\startsong
\stitle{dostii jab kisii se kii jaae}
\lyrics{Rahat Indori}
\singers{Rahat Indori}
\printtitle
#indian

dostii jab kisii se kii jaae
dushmano kii bhii raae lii jaae

maut kaa zahar hai fizaao.n me.n
ab kahaa.N jaa ke saa.Ns lii jaae

bas isii soch me.n huu.N Duubaa huaa
ye nadii kaise paar kii jaae

mere maazii ke zaKm bharane lage
aaj phir koii bhuul kii jaae

botale.n khol ke to pii baraso.n
aaj dil khol ke bhii pii jaae

#endindian
\endsong