\startsong
\stitle{ta.ng aa chuke hai.n kash-ma-kash-e-zi.ndagii se ham}
\singers{Sahir Ludhianvi #8}
\printtitle
#indian

ta.ng aa chuke hai.n kash-ma-kash-e-zi.ndagii se ham
Thukaraa naa de.n jahaa.N ko kahii.n bedilii se ham

maayuusii-e-ma'al-e-mohabbat naa puuchhiye
apano.n se pesh aaye hai.n begaanagii se ham

%[ma'al = consequence]

lo aaj hamane to.D diyaa rishtaa-e-ummiid
lo ab kabhii gilaa naa kare.nge kisii se ham

ubhare.nge ek baar abhii dil ke val-vale
go dab gaye hai.n baar-e-Gam-e-zi.ndagii se ham

gar zi.ndagii me.n mil gaye phir ittafaaq se
puuchhe.nge apanaa haal terii bebasii se ham

allaah re fareb-e-masahiiyat ke aaj tak
duniyaa ke zulm sahate rahe Kaamoshii se ham

%[masahiiyat = God's will]

ham Gam-zadaa hai.n laaye kahaa.N se Kushii ke giit
de.nge wahii jo paae.nge is zi.ndagii se ham

#endindian
\endsong