\startsong
\stitle{havas-nasiib nazar ko kahii.n qaraar nahii.n}
\singers{Sahir Ludhianvi #9}
\printtitle
#indian

havas-nasiib nazar ko kahii.n qaraar nahii.n
mai.n mu.ntazir huu.N magar teraa intazaar nahii.n

hamii.n se ra.ng-e-gulistaa.N hamii.n se ra.ng-e-bahaar
hamii.n ko nazm-e-gulistaa.N pe iKtiyaar nahii.n

abhii na chhe.D mohabbat ke giit ae mutarib
abhii hayaat kaa mahaul Kush_gavaar nahii.n

tumhaare ahd-e-wafaa ko ahad mai.n kyaa samajhuu.N
mujhe Kud apanii mohabbat kaa aitabaar nahii.n

na jaane kitane gile is me.n muztarib hai nadiim
wo ek dil jo kisii kaa gilaa_gusaar nahii.n

gurez kaa nahii.n qaayal hayaat se lekin
jo soz kahuu.N to mujhe maut naagavaar nahii.n

ye kis maqaam pe pahu.Nchaa diyaa zamaane ne
ki ab hayaat pe teraa bhii iKtiyaar nahii.n

#endindian
\endsong