\startsong
\stitle{Maadaam}
\lyrics{Sahir Ludhianvi}
\singers{Sahir Ludhianvi}
% Contributed by Kausar
\printtitle
#indian

aap bevajah pareshaan-sii kyo.n hai.n maadaam
log kahate hai.n to phir Thiik hii kahate ho.nge
mere ehabaab ne tahaziib na siikhii hogii
mere maahaul me.n i.nsaan na rahate ho.nge

%[maadaam = Urdu equivalent of Madam]
%[ehabaab = friends; maahaul = environment/surrounding]

nuur-e-saramaayaa se hai ruu-e-tamaddun kii jilaa
ham jahaa.N hai.n vahaa.N tahaziib nahii.n pal sakatii
mufalisii hiss-e-lataafat ko miTaa detii hai
bhuuk aadaab ke saa.Nche me.n nahii.n Dhal sakatii

%[nuur-e-saramaayaa = light of wealth; ruu-e-tamaddun = face of civilization]
%[jilaa = shine/brightness; hiss-e-lataafat = finer feelings]
%[aadaab = genteel/civilized/politeness]

log kahate hai.n to logo.n pe t’ajjub kaisaa
sach to kahate hai.n ki naadaaro.n kii izzat kaisii
log kahate hai.n – magar aap abhii tak chup hai.n
aap bhii kahiye Gariibo.n me.n sharaafat kaisii

%[naadaaro.n = poor]

nek maadaam! bahut jald vo daur aayegaa
jab hame.n ziist ke adavaar parakhane ho.nge
apanii zillat kii qasam, aap kii azamat kii qasam
hamako taa’ziim ke me_aar parakhane ho.nge

%[ziist = life; adavaar = values; zillat = humiliation]
%[azamat = greatness; taa’ziim = respect; me_aar = level]

hamane har daur me.n tazaliil sahii hai lekin
hamane har daur ke chehare ko ziyaa baKshii hai
hamane har daur me.n mehanat ke sitam jhele hai.n
hamane har daur ke haatho.n ko hinaa baKshii hai

%[tazaliil = insult; ziyaa = brightness/brilliance]

lekin in talK mubaahis se bhalaa kyaa haasil
log kahate hai.n to phir Thiik hii kahate ho.nge
mere ehabaab ne tahaziib na siikhii hogii
mere maahaul me.n i.nsaan na rahate ho.nge

%[talK = bitter; mubaahis = arguments]

#endindian
\endsong