\startsong
\stitle{jab yaar ne uThaa kar zulfo.n ke baal baa.Ndhe}
\singers{Mohammed Rafi Sauda #6}
\printtitle
#indian

jab yaar ne uThaa kar zulfo.n ke baal baa.Ndhe
tab mai.n ne apane dil me.n laakho.n Kayaal baa.Ndhe

do din me.n ham to riijhe ai vaa_e haal un kaa
guzare hai.n jin ke dil ko yaa.N maah-o-saal baa.Ndhe

taar-e-nigaah me.n us ke kyo.n kar phaa.Nse na ye dil
aa.Nkho.n me.n jis kii laakho.n vahashii Gazal baa.Ndhe

bose kii hai to Kvaahish par kahiye kyo.n ke us se
jis se mizaaj-e-lab par haraf-e-savaal baa.Ndhe

maaroge kis ko jii se kis par kamar kasii hai
phirate ho kyo.n pyaare talavaar Dhaal baa.Ndhe

do chaar sher aage us ke pa.Dhe to bolaa
mazamuu.N ye tuune apane kya hasb-o-haal baa.Ndhe

"Sauda" jo un ne baa.Ndhaa zulfo.n me.n dil sazaa hai
shero.n me.n us ke tuu ne kyo.n Kat-o-Kaal baa.Ndhe

#endindian
\endsong