\startsong
\stitle{tamannaao.n me.n ulajhaayaa gayaa huu.N}
\singers{Shad Azeemabadi}
\printtitle
#indian

tamannaao.n me.n ulajhaayaa gayaa huu.N
khilaune deke bahalaayaa gayaa huu.N

huu.N is kuuche me.n har zarre se aagaah
idhar se muddato.n aayaa gayaa huu.N

%[aagaah = alert to]

dil-e-muztar se puuchh ai raunaq-e-bazm
mai.n Kud aayaa nahii.n laayaa gayaa huu.N

%[dil-e-muztar = impatient heart]

saveraa hai bahut ai shor-e-mahashar
abhii bekaar uThavaayaa gayaa huu.N

%[mahashar = Day of Judgement]

lahd me.n kyuu.N na jaauu.N muu.Nh chhupaaye
bharii mahafil se uThavaayaa gayaa huu.N

%[lahd = grave]

kujaa mai.n aur kujaa ai "Shad" duniyaa
kahaa.N se kis jagah laayaa gayaa huu.N

%[kujaa = where]

#endindian
\endsong