\startsong
\stitle{Gam-e-aashiqii se kah do raah-e-aam tak na pahu.Nche}

\singers{Shakeel Badayuni}
% Contributed by Saleem A Khanani
% Additions by Abhay Phadnis
\printtitle
#indian
Gam-e-aashiqii se kah do raah-e-aam tak na pahu.Nche
mujhe Kauf hai ye tohamat mere naam tak na pahu.Nche

mai.n nazar se pee rahaa thaa to ye dil ne bad-duaa dii
teraa haath zi.ndagii bhar kabhii jaam tak na pahu.Nche

naii subah par nazar hai magar aah ye bhii Dar hai
ye sahar bhii raftaa raftaa kahii.n shaam tak na pahu.Nche

vo navaa-e-muzamahil kyaa na ho jis me.n dil kii dha.Dakan
vo sadaa-e-ahale-dil kyaa jo avaam tak na pahu.Nche

u.nhe.n apane dil kii Kabare.n mere dil se mil rahii hai.n
mai.n jo unase ruuTh jaauu.N to payaam tak na pahu.Nche

ye adaa-e-beniaazii tujhe bevafaa mubaarak
magar aisii beruKii kyaa ke salaam tak na pahu.Nche

jo naqaab-e-ruK uThaa dii to ye qaid bhii lagaa dii
uThe har nigaah lekin koii baam tak na pahu.Nche

vahii ik Kamosh naGmaa hai "Shakeel" jaan-e-hastii
jo zubaa.N tak na aae jo qalaam tak na pahu.Nche

#endindian
\endsong