\startsong
\stitle{taasiir-e-chashm-e-tar na dikhaa duu.N to baat kyaa}
\singers{Shamim Jaipuri #1}
\printtitle
#indian

taasiir-e-chashm-e-tar na dikhaa duu.N to baat kyaa
un ko bhii ek din na rulaa duu.N to baat kyaa

raah-e-junuun-e-shauq me.n ba.Dhane kii der hai
ma.nzil jagah jagah na banaa duu.N to baat kyaa

saqii se bas nigaah milaane kii der thii
aalam ko mayakadaa na banaa duu.N to baat kyaa

mere niyaaz-e-ishq kii kyaa baat hai "Shamim"
qadamo.n me.n husn ko na jhukaa duu.N to baat kyaa

#endindian
\endsong