\startsong
\stitle{aaj mere shab-e-furqat kii sahar aa_ii hai}
\singers{Shamim Jaipuri #6}
\printtitle
#indian

aaj mere shab-e-furqat kii sahar aa_ii hai
muddato.n baad terii raahaguzar aa_ii hai

dekh to liijiye mere Kuun-e-tamannaa ki bahaar
jis kii surKii merii aa.Nkho.n me.n utar aa_ii hai

tuune to tark-e-muhabbat kii qasam khaa_ii thii
kyo.n terii aa.Nkh mujhe dekh ke bhar aa_ii hai

un ke pairaahan-e-ra.ngii.n kii mahak hai is me.n
aaj kyaa baad-e-sabaa hoek udhar aa_ii hai

is me.n kuchh un kii jafaaye.N bhii to shaamil hai.n "Shamim"
bevafaa_ii kii jo tohamat mere sar aa_ii hai

#endindian
\endsong