\startsong
\stitle{mere nasiib ne jab mujhase intaqaam liyaa}
\lyrics{Shaz Tamkanat}
\singers{Shaz Tamkanat}
\printtitle
#indian

mere nasiib ne jab mujhase intaqaam liyaa
kahaa.N kahaa.N terii yaado.n ne haath thaam liyaa

fazaa kii aa.Nkh bhar aaii havaa kaa ra.ng u.Daa
sakuut-e-shaam ne chupake se teraa naam liyaa

%[fazaa = vast expanse; sakuut = silence]

vo mai.n nahii.n thaa ek harf bhii na kah payaa
vo bebasii thii ke jis ne teraa salaam liyaa

har ek Kushii ne tere Gam kii aabaruu rakhalii
har ek Kushii se tere Gam ne inteqaam liyaa

#endindian
\endsong