\startsong
\stitle{jo shajar suukh gayaa hai vo haraa kaise ho}
\lyrics{Shehzad Ahmed}
\singers{Shehzad Ahmed}
\printtitle
#indian

jo shajar suukh gayaa hai vo haraa kaise ho
mai.n payamabar to nahii.n meraa kahaa kaise ho

dil ke har zarre pe hai naqsh muhabbat usakii
nuur aa.Nkho.n kaa hai aa.Nkho.n se judaa kaise ho

jis ko jaanaa hii nahii.n usako Kudaa kyuu.N maane
aur jise jaan chuke hai.n, vo Kudaa kaise ho

umr saarii to a.Ndhere me.n nahii.n kaT sakatii
ham agar dil na jalaae.n to zi_aa kaise ho

jisase do roz bhii khul kar na mulaaqaat huii
muddato.n baad mile bhii to gilaa kaise ho

kin nigaaho.n se use dekh rahaa huu.N "Shehzad"
mujh ko maaluum nahii.n, us ko pataa kaise ho

#endindian
\endsong