\startsong
\stitle{mumkin ho aap se to bhulaa diijiye mujhe}
\lyrics{Shehzad Ahmed}
\singers{Shehzad Ahmed}
% Contributed by Wasim
\printtitle
#indian

mumkin ho aap se to bhulaa diijiye mujhe
patthar pe huu.N lakiir miTaa diijiye mujhe

har roz mujh se taazaah shikaayat hai aap ko
mai.n kyaa huu.N ek baar bataa diijiye mujhe

mere sivaa bhii hai koii mauzuu-e guftuguu
apanaa bhii koii ra.ng dikhaa diijiye mujhe

mai.n kyaa huu.N kis jagah huu.N mujhe  kuchh Kabar nahii.n
hai.n aap kitanii duur sadaa diijiye mujhe

kii mai.n ne apane zaKm kii tashahiir jaa-ba-jaa
mai.n maanataa huu.N jurm sazaa diijiye mujhe

qaayam to ho sake koii rishtaa gauhar ke saath
gehare samu.ndaro.n me.n bahaa diijiye mujhe

shab bhar kiran kiran ko tarasane se faayadaa
hai tiiragii to aag lagaa diijiye mujhe

jalate dino.n me.n Kud pas-e-diivaar baiThakar
saaye kii justujuu me.n lagaa diijiye mujhe

"Shehzad" yuu.N to sholaa-e jaa.N sard ho chukaa
lekin sulag uThuu.N to havaa diijiye mujhe

#endindian
\endsong