\startsong
\stitle{un se hame.n kuchh kaam nahii.n hai}
\singers{Sheri Bhopali #2}
\printtitle
#indian

un se hame.n kuchh kaam nahii.n hai
dil ko magar aaraam nahii.n hai

merii tabaahii meraa muqaddar
aap pe kuchh ilzaam nahii.n hai

ishq hai aisaa aalam jis me.n
subah nahii.n hai shaam nahii.n hai

%[aalam = state]

husn ke jalve maa.Ngane vaalo
ishq kii daulat aam nahii.n hai

%[aam = common]

ham ko na apanaa kah ke pukaaro
ye to hamaaraa naam nahii.n hai

itanaa bhii kyaa "Sheri" se takalluf
aisaa to vo badanaam nahii.n hai

#endindian
\endsong