\startsong
\stitle{mastaanaa piye jaa yuu.N hii mastaanaa piye jaa}
\singers{Akhtar Sheerani #10}
\printtitle
#indian

mastaanaa piye jaa yuu.N hii mastaanaa piye jaa
paimaanaa to kyaa chiiz hai maiKaanaa piye jaa

kar garq may-o-jaam Gam-e-gardish-e-ayyaam
ab ai dil-e-naakaam tuu maiKaanaa piye jaa

%[garq = drown; Gam-e-gardish-e-ayyaam = sorrow of everyday life]

may-noshii ke aadaab se aagaah nahii.n tuu
jis tarah kahe saaqii-e-maiKaanaa piye jaa

%[may-noshii = drinking; aadaab = ways/traditions/rituals; aagaah = acquainted with]

is bastii me.n hai vahashat-e-mastii hii se hastii
diivaanaa ban aur baadaa-e-diivaanaa piye jaa

maiKaane ke ha.ngaame.n hai.n kuchh der ke mehamaa.N
hai subah qariib "Akhtar" divaanaa piye jaa

#endindian
\endsong