\startsong
\stitle{dukh dard kii sauGaat hai duniyaa terii kyaa hai}
\singers{Sagar Siddiqui #5}
\printtitle
#indian

dukh dard kii sauGaat hai duniyaa terii kyaa hai
ashko.n se bharii raat hai duniyaa terii kyaa hai

kuchh log yahaa.N nuur-e-sahar Dhuu.NDh rahe hai.n
taariik sii ik raat hai duniyaa terii kyaa hai

paaba.nd-e-mashiyat hai tanaffus bhii nazar bhii
ik jaziyaa-e-lamhaat hai duniyaa terii kyaa hai

taqadiir ke chehare kii shikan dekh rahaa huu.N
aa_iinaa-e-haalaat hai duniyaa terii kyaa hai

majaruuh-e-taqaddus hai taqaddus kii haqiiqat
ruudaad-e-Karaabaat hai duniyaa terii kyaa hai

"Sagar" me.n chhalakate hai.n samavaat ke isaraar
saaqii kii karaamaat hai duniyaa terii kyaa hai

#endindian
\endsong