\startsong
\stitle{hai duaa yaad magar harf-e-duaa yaad nahii.n}
\singers{Sagar Siddiqui #7}
\printtitle
#indian

hai duaa yaad magar harf-e-duaa yaad nahii.n
mere naGmaat ko a.ndaaz-e-navaa yaad nahii.n

mai.n ne palako.n se dar-e-yaar pe dastak dii hai
mai.n vo saahil huu.N jise ko_ii sadaa yaad nahii.n

mai.n ne jin ke liye raaho.n me.n bichhayaa thaa lahuu
ham se kahate hai.n vahii  ahad-e-vafaa yaad nahii.n

kaise bhar aa_ii.n sar-e-shaam kisii kii aa.Nkhe.n
kaise tharraa_e charaaGo.n kii ziyaa yaad nahii.n

sirf dhu.ndhalaa_ii sitaaro.n kii chamak dekhii hai
kab huaa kaun huaa kis se Kafaa yaad nahii.n

zi.ndagii jabr-e-musalasal kii tarah kaTatii hai
jaane kis jurm kii paa_ii  hai sazaa yaad nahii.n

aao ik sajdaa kare.n aalam-e-madhahosh me.n
log kahate hai.n ke "Sagar" ko Kudaa yaad nahii.n

#endindian
\endsong