\startsong
\stitle{Khabar-e-tahayyur-e-ishq sun na junuu.N rahaa na parii rahii}
\singers{Siraj Aurangabadi #1}
\printtitle
#indian

Kabar-e-tahayyur-e-ishq sun na junuu.N rahaa na parii rahii
na to tuu rahaa na to mai.n rahaa, jo rahii so beKabarii rahii

shaah-e-beKudii ne ataa kiyaa mujhe ab libaas-e-barahanagii
na Kirad kii bakhiyaagarii rahii na junuu.N kii pardaadarii rahii

kabhii simt-e-Gaib se kyaa huaa ki chaman zahuur kaa jal gayaa
magar ek shaaK-e-nihaal-e-Gham jise dil kaho so harii rahii

nazar-e-taGaaful-e-yaar kaa gilaa kis zabaa.N so.n bayaa.N karuu.N
ki sharaab-e-sad-qadaah aarazuu Kum-e-dil me.n thii so bharii rahii

vo ajab gha.Dii thii mai.n jis gha.Dii liyaa dars-e-nusKaa-e-ishq kaa
ki kitaab-e-aql kii taaq me.n jyuu.N dharii thii tyuu.n hii dharii rahii

tere josh-e-hairat-e-husn kaa asar is qadar so.n yahaa.N huaa
ki na aa_iine me.n rahii jilaa na parii kuu.N jalvaa-garii rahii

kiyaa Kaak aatish-e-ishq ne dil-e-benavaa-e-"Siraj" ko.n
na Katar rahaa na hazar rahaa magar ek beKatarii rahii

#endindian
\endsong