\startsong
\stitle{is raah-e-muhabbat me.n tuu saath agar hotaa}
\lyrics{Alam Tab 'Tashna'}
\singers{Alam Tab Tashna}
\printtitle
#indian

is raah-e-muhabbat me.n tuu saath agar hotaa
har gaam pe gul khilate Kushbuu kaa safar hotaa

%[gaam = step]

uThataa mere pahaluu se vo mehr-e-shanaasaa_ii
ik roz to aisaa bhii aaGaaz-e-sahar hotaa

%[shanaasaa_ii = acquaintance; aaGaaz = start]

ashk-e-sar-e-mizshgaa.N ko chun letaa vo palko.n se
ik roz to aisaa bhii diidaa-e-tar hotaa

%[mizshgaa.N = eyelid; diidaa-e-tar = eyes filled with tears]

ye tark-e-ta'alluq kii sun lete nasihat bhii
"Tashna" jo ko_ii us kaa mahabuub-e-nazar hotaa

%[tark-e-ta'alluq = to give up acquaintanceship; nasihat = advice]

#endindian
\endsong