\startsong
\stitle{ab to yahii hai.n dil kii duaae.n}
\lyrics{Taskeen Qureshi}
\singers{Taskeen Qureshi}
\printtitle
#indian

ab to yahii hai.n dil kii duaae.n
bhuulane waale bhuul hi jaae.n

wajah-e-sitam kuchh ho to bataae.n
ek mohabbat, laakh Kataae.n

dard-e-mohabbat, dil me.n chhupaayaa
aa.Nkh ke aa.Nsuu kaiise chhupaae.n

hosh aur un kii diid kaa daawaa
dekhanewaale.n, hosh me.n aae.n

dil ki tabaahii bhuule nahii.n ham
dete hai.n ab tak unko du'aae.n

ra.ng-e-zamaanaa dekhanewaale
un kii nazar bhii dekhate jaae.n

shuGl-e-mohabbat ab hai ye 'Taskii.n'
sher kahe.n aur jii bahalaae.n

#endindian
\endsong