\startsong
\stitle{ruuh baKhshii hai kaam tujh lab kaa}
\lyrics{Wali Mohammed Wali}
\singers{Wali Mohammed Wali}
\printtitle
#indian

ruuh baKshii hai kaam tujh lab kaa
dam-e-isaa hai naam tujh lab kaa

husn ke khizr ne kiyaa labarez
aab-e-haivaa.N so.n jaam tujh lab kaa

ma.ntaq-o-hikmat-o-maanii par
mushtamil hai kalaam tujh lab kaa

rag-e-yaquut ke qalam so.n likhe.n
Kat parastaaN payaam tujh lab kaa

sabzaa-o-barg-o-laalaa rakhate hai.n
shauq dil me.n davaam tujh lab kaa

Gurq-e-shukar hue hai.n kaam-o-zabaa.N
jab liyaa huu.N mai.n naam tujh lab kaa

hai "Wali" kii zabaa.N ko.n lazzat baKsh
zikr har sub_h-o-shaam tujh lab kaa

#endindian
\endsong