\startsong
\stitle{baat karnii mujhe mushkil kabhii aisii to na thii}
\singers{Bahadur Shah Zafar}
\printtitle
#indian

baat karanii mujhe mushkil kabhii aisii to na thii
jaisii ab hai terii mahafil kabhii aisii to na thii

le gayaa chhiin ke kaun aaj teraa sabr-o-qarar
be-qaraarii tujhe ae dil kabhii aisii to na thii

chashm-e-qaatilmerii dushman thii hameshaa lekin
jaise ab ho gaii qaatil kabhii aisii to na thii

unakii aa.Nkho.n ne Kudaa jaane kiyaa kyaa jaaduu
ke tabiiyat merii maa_il kabhii aisii to na thii

aks-e-ruK-e-yaar ne kis ke hai tujhe chamakaayaa
taab tujh me.n mah-e-kaamil kabhii aisii to na thii

kyaa sabab tuu jo biga.Dataa hai 'zafar' se har baar
Kuu terii huur-e-shamaa_il kabhii aisii to na thii

#endindian
\endsong