\startsong
\stitle{na kisii kii aa.Nkh kaa nuur huu.N}
\singers{Bahadur Shah Zafar}
\printtitle
#indian

na kisii kii aa.Nkh kaa nuur huu.N,
na kisii ke dil kaa qaraar huu.N
jo kisii ke kaam na aa sakaa
mai.n vo ek musht-e-Gubaar huu.N

na to mai.n kisii kaa habiib huu.N,
na to mai.n kisii kaa raqiib huu.N
jo biga.D gayaa vo nasiib huu.N,
jo uja.D gayaa vo dayaar huu.N

meraa ra.ng-ruup biga.D gayaa,
meraa yaar mujhase bichha.D gayaa
jo chaman fizaa.N me.n uja.D gayaa,
mai.n usii kii fasl-e-bahaar huu.N

pae faatehaa koii aae kyuu.N,
koii chaar phuul cha.Daae kyuu.N
koii aake shammaa jalaae kyuu.N
mai.n vo bekasii kaa mazaar huu.N

mai.n nahii.n huu.N jaa.N-fizaa.N
mujhe sunake koii karegaa kyaa
mai.n ba.De barog kii huu.N sadaa
main ba.De dukh kii pukaar huu.N

#endindian
\endsong