\startsong
\stitle{laayii hayaat aaye, qazaa le chalii chale}
\singers{Zauq #1}
\printtitle
#indian

laayii hayaat aaye, qazaa le chalii chale
na apanii Kushii aaye, na apanii khushii chale

%[qazaa = death]

bahatar to hai yahii ke na duniyaa se dil lage
par kyaa kare.n jo kaam na be-dillagii chale

ho umr-e-Kizr bhii to kahe.nge ba_vaqt-e-marg
ham kyaa rahe yahaa.N abhii aaye abhii chale

%[ba_waqt-e-marg = at the time of death]

duniyaa ne kis ka raah-e-fanaa me.n diyaa hai saath
tum bhii chale chalo yuu.N hii jab tak chalii chale

%[fanaa = cessation of life, end]

naazaa.N na ho Kirad pe jo honaa hai vo hii ho
daanish terii na kuchh merii daanishvarii chale

%[naazaa.N hona = to be proud; Kirad = intellect; daanish = intellect]

kam ho.nge is bisaat pe ham jaise bad_qimaar
jo chaal ham chale vo nihaayat burii chale

jaa ki havaa-e-shauq me.n hai.n is chaman se 'zauq'
apanii balaa se baad-e-sabaa kahii.n chale

%[baad = wind]

#endindian
\endsong