\startsong
\stitle{marate hai.n tere pyaar se ham aur ziyaadaa}
\singers{Zauq #7}
\printtitle
#indian

marate hai.n tere pyaar se ham aur ziyaadaa
tuu lutf me.n karataa hai sitam aur ziyaadaa

de.n kyo.nki na vo daaG-e-alam aur ziyaadaa
qiimat me.n ba.Dhe dil ke diram aur ziyaadaa

%[diram = an old currency (precursor of Dirham, currency of UAE)]

kyaa hovegaa do-chaar qadah se mujhe saaqii
mai.n luu.Ngaa tere sar kii qasam aur ziyaadaa

%[qadah = peg]

vo dil ko churaakar jo lage aa.Nkh churaane
yaaro.n kaa gayaa un pe bharam aur ziyaadaa

kyo.n mai.n ne kahaa tujh saa Kudaa_ii me.n nahii.n aur
maGaruur huaa ab vo sanam aur ziyaadaa

lete hai.n samar shaaK-e-samaravar ko jhukaakar
jhukate hai.n saKii vaqt-e-karam aur ziyaadaa

%[samar = fruit; shaaK-e-samaravar = fruit-ladden branch]
%[saKii = giver/benefactor; vaqt-e-karam = time of benevolence]

jo ku.nj-e-qana'at  me.n hai.n taqadiir pe shaakir
hai "zauq" baraabar u.nhe.n kam aur ziyaadaa

%[ku.nj-e-qana'at = corner of satisfaction; shaakir = satisfied]
%[zauq = taste]

#endindian
\endsong