\startsong
\stitle{mai.n vo majanuu.N huu.N jo nikaluu.N ku.nj-e-zi.ndaa.N chho.Dakar}
\singers{Zauq #8}
\printtitle
#indian

mai.n vo majanuu.N huu.N jo nikaluu.N ku.nj-e-zi.ndaa.N chho.Dakar
seb-e-jannat tak na khaauu.N sa.ng-e-tiflaa.N chho.Dakar

%[ku.nj = corner; zi.ndaa.N = prison; sa.ng-e-tiflaa.N = stones thrown by children]

mai.n huu.N vo gumanaam jab daftar me.n naam aayaa meraa
rah gayaa bas mu.nshii-e-kudarat jagah vaa.N chho.Dakar

ahal-e-jauhar ko vatan me.n rahane detaa gar falak
laal kyuu.N is ra.ng se aataa badaKshaa.N chho.Dakar

%[ahal-e-jauhar = knowledgeable people; falak = sky (here it means fate)]

ghar se bhii vaaqif nahii.n us ke ki jis ke vaaste
baiThe hai.n ghar-baar sab ham Kaanaa-viraa.N chho.Dakar

in dino.n garche dakan me.n hai ba.Dii qadr-e-suKan
kaun jaaye "zauq" par dillii kii galiyaa.N chho.Dakar

%[qadr-e-suKan = value poets/poetry]

#endindian
\endsong